EL BECAMORT

(ovvero l'Impresario di pompe funebri)
Impromptus dialettale
---------------------

"Dio bon, Per la Madonna!
E' posibil che in t'na stmana
en te crepa un vecch, na donna,
qualch fiolacc de sta putana!

I' enn' è ch' voi fè 'l lament
-brontolava ancora Gisio-
mo maché en s'arcoi piò gnent;
en voi mica fnì tl'ospisio!"
***
"Te tocassa pur cla sort
- i ha rispost un ch l'ha semtit,
mentre Gisio en s'era acort_
acsé, almen avresti fnit

d'artconté tutte ste balle,
sa sta storia di guadrin.
E non rompa tant le palle,
ch'el sapem ch'se 'n baiochin!".
***
I rispond Gisio, incasat:
"Pussa via, brutta scvetaccia!
Che t'morisc avelenat!
S' en ste sitt, te romp la faccia!"
***
... Becamort, lascia 'n po' gi;
se i afar te girann mal
te podrè sempre gi a fnì
a fè 'l meddich tl'ospedal!